சின்னத்திரையில் தொகுப்பாளராக அறிமுகம் ஆகி பல ரசிகர்களை தன் பக்கம் ஈர்த்தவர் தான் VJ மகேஸ்வரி. தான் கலந்துகொள்ளும் நிகழ்ச்சியை கலகலப்பாக தொகுத்து வழங்குவதால் இவருக்கென தனி ரசிகர் பட்டாளமே உள்ளது. மகேஸ்வரி 1985 ஆம் ஆண்டு சென்னையில் பிறந்தார்.
இவர் தனது கல்லூரி படிப்பை முடித்து விட்டு சன் மியூசிக் தொலைக்காட்சியில் தொகுப்பாளராக பணியை தொடங்கினார் VJ மகேஸ்வரி. இவருக்கு அடையாளமாக அமைந்தது வெங்கட்பிரபு இயக்கத்தில் உருவான சென்னை 28 திரைப்படம். சின்னத்திரையில் இருந்து பெரியத்திரைக்கு குயில் என்ற படத்தின் மூலம் அறிமுகமானார்.
இதைத் தொடர்ந்து சில பல படங்களில் நடித்து வந்தார். அந்த அளவிற்கு பட வாய்ப்புகள் இல்லாததால் சின்னத்திரையில் கவனம் செலுத்தினார். தாயுமானவன், புதுக்கவிதை போன்ற சீரியல்களில் நடித்து ரசிகர்கள் மனதில் தனக்கென ஒரு இடத்தைப் பிடித்தார். சினிமாவில் வாய்ப்புகள் குறையவே, சாணக்கியன் என்பவரை திருமணம் செய்து கொண்டார்.
திருமணத்திற்கு பிறகு தொலைக்காட்சிகள் மற்றும் ஆடியோ வெளியீட்டு விழாக்களில் தொகுப்பாளினியாக வேலை பார்த்து வந்தார். காமெடி கில்லாடிஸ், பேட்ட ராப் போன்ற நிகழ்ச்சிகள் அவருக்கு நல்ல பெயரை பெற்றுத்தந்தன. இதற்கிடையில் கணவரோடு ஏற்பட்ட கருத்துவேறுபாடு காரணமாக விவாகரத்து செய்து கொண்டனர்.
இப்போது தனது கேரியரில் கவனம் செலுத்தி வரும் மகேஸ்வரி அடிக்கடி கவர்ச்சியான போட்டோ ஷூட் களை நடத்தி சமூக வலைதளங்களில் வெளியிட்டு வருகிறார். இந்நிலையில் இப்போது அவர் வெளியிட்டுள்ள ஒரு செல்ஃபி போட்டோஷூட்டில் அவரின் வயிற்றில் இருக்கும் பிரசவ தழும்பான ‘ஸ்ட்ரெச் மார்க்’ தெரிய போஸ் கொடுத்துள்ளார்.
மேலும் அந்த புகைப்படத்தோடு “இந்த உலகில் மற்ற யாரையும் விட உங்களை நீங்களே நேசியுங்கள்’ எனக் கூறியுள்ளார். சமீபகாலமாக நடிகைகள் மற்றும் பிரபலங்கள் தங்கள் வேலை காரணமாக இந்த ஸ்ட்ரெச் மார்க் தெரியாமல் இருக்க சிகிச்சைகள் எடுத்துக் கொள்கிறார்கள். ஆனால் மகேஸ்வரி அதை மறைக்காமல் வெளியிட்டுள்ள இந்த புகைப்படம் இணையத்தில் வைரலாகி வருகிறது.
